Inuktitut: COP15 International Science Advisors’ Statement

 

ᓇᓗᓇᙱᑦᑐᒥᑦ ᐱᑕᖃᕐᒪᑦ ᓯᓚᕐᔪᐊᒥ ᐆᒪᔪᑦ ᖃᓄᐃᑦᑐᑐᐃᓐᓇᐃᑦ ᖃᔅᓰᓐᓇᕈᖅᐸᓪᓕᐊᓂᖏᓐᓂ. 1−ᒥᓕᐊᖑᓗᐊᖅᑐᑦ ᐆᒪᔪᑦ ᐅᓗᕆᐊᓇᖅᑐᒦᓕᕐᒪᑕ ᓄᖑᑐᐃᓐᓇᕆᐊᖃᕐᓂᖏᓐᓂ,Footnote 1 ᐊᒥᓱᓪᓗ ᐅᑭᐅᒐᓚᓐᓄᑦ ᐊᒡᒋᖅᑐᓄᑦ, ᓴᖅᑭᐸᓪᓕᐊᒻᒪᑕ 6−ᒋᔭᖓᓐᓂ ᐊᖏᔪᕐᔪᐊᓂ ᓄᖑᓪᓚᕆᒃᑐᖃᕈᓐᓇᑐᐃᓐᓇᕆᐊᖃᕐᓕᕐᓂᖏᓐᓂ ᓯᓚᕐᔪᐊᕐᓗ ᐊᔾᔨᐅᖏᑦᑐᓕᔪᒥᑦ ᐱᑕᖃᓕᖅᖢᓂ.Footnote 2

ᐆᒪᔪᑦ ᐊᔾᔨᒌᙱᑦᑐᓂᑦ ᐊᒥᓱᓄᑦ ᐊᑐᖅᑐᑦ ᐱᖅᑯᓯᖏᓐᓄᓪᓗ ᑭᒃᑯᑐᐃᓐᓇᐃᑦ. ᐱᕈᖅᓯᐊᑦ ᐱᐅᓂᖏᓐᓂᓪᓘᓐᓃᑦ 75%−ᓄᑦ ᓯᓚᕐᔪᐊᒥ ᓂᕿᒃᓴᕆᔭᐅᕙᖕᒪᑕ ᐆᒪᔪᓄᓪᓗ ᑕᑎᒋᔭᐅᓪᓗᑎᑦ.Footnote 3 ᑕᒫᓂᐸᓗᖃᐃ 50,000 ᑎᒍᐊᖑᙱᑦᑐᓂᑦ ᐆᒪᔪᓂᒃ ᓂᕆᕙᒃᑐᑦ, ᐆᒻᒪᖅᑯᑎᖃᖅᐸᒃᑐᑦ, ᐋᓐᓂᐊᖅᑕᐃᓕᔾᔪᑎᖃᖅᐸᒃᖢᓂᒃ ᑭᓱᕈᓘᔭᕐᓂᓪᓘᓐᓃᑦ.Footnote 4 ᐆᒪᔪᑦ ᐊᔾᔨᒌᙱᑦᑐᑦ ᓂᕿᒃᓴᐅᔪᑦ ᓂᕿᓕᐅᕈᑎᐅᔪᓪᓗ, ᓯᓚ ᒪᓕᒃᖢᒍ ᓂᕿᒃᓴᕈᖅᐸᒃᑐᑦ ᐃᖏᕐᕋᑦᑎᐊᖅᑎᑐᖅ, ᑭᓯᐊᓂᑦᑕᐅ ᐊᒥᓱᑦ ᓂᕿᒃᓴᐅᓂᐊᖅᑐᒐᓗᐊᑦ ᓱᕋᖅᑎᐸᓪᓕᐊᔪᑦ ᓯᓚᓗᖃᑦᑕᖏᓐᓂᖓᓐᓄᑦ, ᖄᒥᒍᔾᔭᓪᓗ ᖁᐱᕐᕈᐃᔭᐃᑎᓄᓪᓗ ᓱᕋᒃᑕᐅᔪᑦ.Footnote 5 ᓯᓚᕐᔪᐊᒥ ᐱᐅᔪᕐᔪᐊᕌᓗᖕᓂᒃ ᐱᑕᖃᕐᒪᑦ ᑐᑭᓯᒋᐊᕈᑎᒃᓴᓂᒃ ᐃᑲᔪᖅᑐᐃᔾᔪᑕᐅᓪᓗᑎᑦ ᐱᕙᓪᓕᐊᓂᖏᓐᓂ ᓄᑖᕐᓂᑦ ᓱᕐᕋᓇᖅᑐᓂᒃ ᐃᑲᔫᑎᒃᓴᐅᔪᓂᒡᓗ, ᓄᑖᓂᒡᓗ ᐊᑐᖅᖢᑎᑦ ᓴᓇᔪᑎᒃᓴᓂᒃ ᓄᓇᒦᙵᖅᑐᓂᒃ ᒪᒥᓴᐅᑎᐅᔪᓐᓇᖅᖢᓂᑦ ᖃᐅᔨᓯᒪᓕᖅᑐᑦ.Footnote 6

ᐆᒪᔪᑦ ᐊᔾᔨᒌᙱᑦᑐᑦ ᖃᑦᑏᓐᓇᕈᖅᐸᓪᓕᐊᓕᕐᒪᑕ ᐊᒃᑐᐃᓂᖃᓪᓚᕆᓐᓂᐊᖅᑐᑦ ᐃᓄᖕᓄᑦ, ᐊᑦᑕᕐᓇᐃᖅᓯᒪᓂᖏᓐᓄᑦ ᒪᑭᒪᔾᔪᑎᒃᓴᓄᓪᓗ. ᑕᐃᒪᐃᖦᖢᓂ ᐆᒪᔪᓂᒃ ᐊᓐᓇᐃᒍᑦᑕ ᐃᒪᕐᒥᐅᑕᕐᓂᑦ ᓯᒡᔭᒥᐅᑕᓂᓪᓗ ᐅᓗᕆᐊᓇᖅᓯᑎᑦᑎᒍᓐᓇᖅᑐᑦ ᐃᓅᓯᑦᑎᓐᓂ ᐊᒻᒪᓗ ᐱᖁᑎᑦᑎᓐᓂ ᖄᒥᒍᔾᔭᐅᓯᒪᔪᓂᒃ ᐊᓂᕆᕐᔪᐊᕌᓗᓐᓄᓪᓗ ᐃᓚᖏᑦ 100–300 ᒥᓕᐊᖏᓐᓃᑦᑐᑦ ᓯᒡᔭᒥ ᖃᓂᑦᑐᕐᒥᐅᑕᐃᑦ ᓄᓇᓖᑦ.Footnote 7 ᐅᐱᓐᓇᕋᓂ ᐆᒪᔪᑦ 70%−ᒥᑦ ᐆᒪᑎᑦᑎᔪᑦ, ᐃᓄᖕᓄᓪᓗ ᐸᕝᕕᓴᖅᑕᐅᔪᑦ ᓄᓇᒦᑦᑐᖅ ᓇᔪᖅᑕᐅᔪᑦ ᖁᐱᕐᕈᖅᑖᕈᑕᐅᔪᓐᓇᖅᑐᑦ ᐃᓄᖕᓄᑦ,Footnote 8 ᓯᓚᕐᔪᐊᖅ ᑕᐅᖅᓰᓂᐅᔪᓪᓗ ᐊᐅᓪᓚᖃᑦᑕᕐᓂᐅᔪᓪᓗ, ᐅᓗᕆᐊᓇᖅᑐᒦᓕᒃᑲᓐᓂᕈᓐᓇᖅᖢᑎᑦ ᐊᐃᑦᑐᕐᓗᐃᖃᑕᐅᑎᓪᓗᑎᒃ.Footnote 9 ᐱᐅᒍᓐᓃᕐᓂᖅᐸᑕ ᐱᕈᖅᓯᐊᓂᒃ ᖁᐱᕐᕈᓐᓂᒃ ᓄᐊᑦᑎᔩᑦ (pollinator), ᐃᒪᕐᒥᐅᑕᐃ ᓲᕐᓗ ᐃᖃᓗᐃᑦ ᐊᒻᒪᓗ ᓇᐹᖅᑐᑦ ᑕᒪᒃᑯᐊᑦ ᐊᒃᓱᐊᓗᒃ ᒥᑭᓪᓕᕚᓪᓕᑎᑦᑎᑲᓐᓂᕈᓐᓇᖅᑐᑦ GDP−ᒥ ᑕᒫᓂ $2.7 ᑐᕆᓕᐊᓂᒃ (trillion) ᐊᕐᕌᒍᑕᒫᑦ ᑕᐃᑲᓂ ᑎᑭᓪᓗᒍ 2030, ᒪᑭᒪᔾᔪᑎᒃᓴᐃᓪᓗ ᓄᖑᖅᐹᓕᕐᓗᑎᑦ 10%−ᒥᑦ ᐊᕐᕌᒍᑕᒫᑦ ᐊᒃᑐᐃᓂᖃᕐᓗᑎᑦ ᑮᓇᐅᔾᔭᒃᓴᖏᓐᓂᖅᓴᐅᕙᒃᑐᓂᒃ ᐊᑯᓐᓈᕿᔪᓂᓪᓗ ᓇᒥᑐᐃᓐᓇᖅ ᓯᓚᕐᔪᐊᓂ ᓄᓇᓕᕐᔪᐊᓂᒃ.Footnote 10

ᐆᒪᔪᑦ ᐊᔾᔨᒌᙱᑦᑐᑦ ᐊᒻᒪᓗ ᓯᓚ ᐊᒃᓱᕈᖕᓇᖅᑐᒃᑰᓕᖅᑎᓪᓗᒍ ᐃᓄᖕᓄᑦ ᑕᐃᒪᐃᑎᑕᐅᓂᖅᓴᐅᓪᓗᓂ. ᐊᒻᒪᓗ ᐃᓛᒃᑰᖓᓪᓗᓂ ᐊᒃᑐᐊᓂᖃᖅᑑᒐᓗᐊᖅ: ᐆᒪᔪᑦ ᐊᔾᔨᒌᙱᑦᑐᑦ ᐊᓐᓇᐃᔭᐅᒃᐸᑕ ᐊᒃᑐᐃᓂᖃᑲᒻᒪᓪᓚᕆᒃᑲᔭᖅᑐᖅ ᓯᓚ ᐊᓯᔾᔨᖅᐸᓪᓕᐊᓂᖓᓐᓂ, ᑕᐃᒪᐃᓐᓂᖓᓐᓄᑦ ᐊᓐᓇᐃᓂᖅᓴᐅᒐᔭᖅᑐᒍᑦ ᐆᒪᔪᓂᒃ ᐊᔾᔨᒌᙱᑦᑐᓂᒃ. ᑕᐃᒪᐃᓐᓂᖓᓐᓄᑦ, ᐊᓯᔾᔩᕙᓪᓕᐊᓂᖏᑦ ᐃᓕᑦᑐᕋᓱᐊᕐᓗᒋᓪᓗ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐱᓪᓗᒍ ᐸᖅᑭᑦᑎᐊᕐᓗᒋᓪᓗ ᐅᑎᖅᑎᓐᓇᓱᐊᕐᓗᒋᓪᓗ ᐆᒪᔪᑦ ᐊᔾᔨᒌᙱᑦᑐᓂᑦ ᑐᕌᒐᕆᔭᕆᐊᖃᓕᖅᑕᕗᑦ ᐃᑲᔪᖅᑐᕐᓗᑕ.Footnote 11

ᐅᑭᐅᓄᑦ 30−ᑎᐅᓕᖅᑐᓄᑦ ᑭᖑᓂᖓᓂ 1992 ᑲᑎᒪᓚᐅᖅᓯᒪᖕᒪᑕ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐱᔾᔪᑎᖃᖅᖢᑎᑦ ᐊᒻᒪᓗ 14−ᖓᓐᓂ ᑲᑎᒪᕕᔾᔪᐊᕐᓂᖃᖅᖢᑎᑦ, ᓯᓚᕐᔪᐊᖅ ᑲᒪᒋᔭᐅᒋᐊᖃᕐᓂᖏᓐᓂ ᐅᓗᕆᐊᓇᖅᑐᒦᓕᕐᓂᖏᓐᓂ ᐆᒪᔪᑦ ᐊᔾᔨᒌᙱᑐᑦ ᓱᓕ “ᖁᓅᒻᒥᓇᖅᑐᖅ ᓈᒻᒪᓚᐅᙱᑦᑎᐊᖅᑐᑦ.”Footnote 12 ᓄᖅᑲᖅᑎᑦᑎᒍᓐᓇᕋᑦᑕ ᐊᒃᓱᐊᓘᕋᔭᖅᖢᓂᒃ ᐱᕈᖅᑐᓂᒃ ᐊᓐᓇᐃᓐᓂᕈᑦᑕ ᑕᕝᕙᒃᑕᐅᑎᒋ ᑲᒪᒋᐊᕆᐊᓖᑦ, ᐊᐅᓚᑕᐅᑦᑎᐊᕐᓗᑎᑦ ᐊᑑᑎᖃᑦᑎᐊᖅᑐᓂᒡᓗ ᐸᖅᑭᔭᐅᓗᑎᒃ ᐱᕈᖅᑐᑦ ᐊᔾᔨᒌᙱᑦᑐᓂᑦ, ᐱᐅᖅᓱᐊᕐᓗᒋᑦ ᐊᒥᓲᓂᖏᓪᓗ ᐅᑎᖅᑎᒐᓱᐊᑦᑎᐊᕐᓗᒋᑦ. ᑖᓐᓇ ᑲᑎᒪᓂᐅᔪᒥ COP15, ᐅᕙᒍᑦ ᒐᕙᒪᒃᑯᑦ ᐃᒪᐃᖁᔭᕗᑦ:

  • ᐱᓕᕆᓂᐊᕐᓂᕋᕐᓗᑎᒃ ᓴᖅᑭᔮᖅᑎᑕᐅᔪᓂᒃ-2020 ᓯᓚᕐᔪᐊᒥ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᕆᔭᖏᓐᓄᑦ. ᑲᔪᓯᑎᑕᐅᓗᑎᒃ ᐱᓕᕆᐊᖑᔪᒫᖅᑐᑦ ᑕᕝᕙᑦᑕᐅᑎᒋᓪᓗ ᐱᒋᐊᕐᓗᒋᑦ ᐃᓄᓐᓃᙶᖅᑐᑦ ᓄᓇᓕᖓᓐᓂ ᓯᓚᕐᔪᐊᒥᓗ ᐱᕙᓪᓕᐊᓂᕐᒥᑦ, ᐃᓄᓕᕆᓂᕐᒥᑦ ᑮᓇᐅᔭᖃᖅᑎᑦᑎᓂᕐᒥᓪᓗ, ᐊᒻᒪᓗ ᓱᓇᑯᑖᕈᓘᔭᕐᓄᑦ, ᐸᖅᑭᑦᑎᓇᓱᐊᕐᓂᖏᓐᓂ, ᐱᐅᖅᓱᐊᕐᓗᑎᑦ, ᐊᒥᓱᕈᖅᑎᑦᑎᑲᓐᓂᕋᓱᐊᕐᓂᖏᓐᓂᓪᓗ ᐊᒻᒪᓗ ᓄᖑᓴᖅᑕᐅᖏᓪᓗᑎᒃ ᐱᔭᐅᖃᑦᑕᕐᓂᖏᓐᓂ ᒪᑯᐊ ᓂᕐᔪᑏᑦ ᐊᒥᓲᓂᖏᑦ ᓄᓇᒦᑦᑐᓪᓗ, ᑕᕆᐅᕐᒥᐅᖏᑦᑐᖅ ᐃᒪᕕᖕᒥᓪᓗ ᐆᒪᔪᑦ ᓇᔪᖅᑕᖏᓪᓗ; ᓄᖑᓴᐃᕙᒃᑐᑦ ᐲᔭᖅᑕᐅᓇᓱᐊᕐᓗᑎᑦ ᐱᐅᖅᓱᐊᖁᓪᓗᒋᑦ; ᐊᒻᒪᓗ ᓴᖅᑭᔮᖅᑎᑦᑎᑲᓐᓂᕐᓗᑎᑦ ᓄᓇᓃᙶᖅᑐᓂᒃ ᐱᔨᑦᑎᕋᐅᑎᓂᓪᓗ ᓇᒥᑐᐃᓐᓇᖅ ᐊᕕᒃᑐᖅᓯᒪᔪᓂᒃ ᐱᕙᓪᓕᓪᐊᓂᕐᒨᖓᔪᓂᒃ.
  • ᐱᓗᑎᑦ ᐊᑑᑎᖃᑦᑎᐊᕐᓂᐊᖅᑐᓂᒃ ᑕᕝᕙᑦᑕᐅᑎᒋᓪᓚᕆᒃ ᐱᒋᐊᕐᓗᒋᑦ ᓇᓗᓇᕈᓐᓃᕐᒪᑦ ᑕᒪᒃᑯᐊ ᐃᑲᔫᑎᖃᕐᓂᖏᓐᓂ ᐆᒪᔪᑦ ᐊᔾᔨᒌᙱᑦᑐᑦ. ᓯᕗᓪᓕᖅᐸᐅᔾᔭᐅᓗᑎᒃ ᐱᒋᐊᕈᑏᑦ ᐃᑲᔫᑎᖃᕋᔭᖅᑐᑦ ᒥᑭᓪᓕᕚᓪᓕᑎᑦᑎᓗᑎᒃ ᐃᓕᑦᑐᕐᓗᑎᓪᓘᓐᓃᑦ ᓯᓚ ᐊᓯᔾᔨᖅᐸᓪᓕᐊᓕᖓᓐᓂ, ᓯᓚᕐᔪᐊᒥᓗ ᑲᑐᔾᔨᔩᑦ ᐱᕙᓪᓕᐊᑎᑦᑎᓗᑎᒃ ᓄᖑᑦᑕᐅᑦᑕᐃᓕᒪᓇᓱᐊᖃᑦᑕᕐᓗᑎᑦ ᑐᕌᒐᖃᕐᓗᑎᑦ, ᐱᕙᓪᓕᐊᓗᑎᓪᓗ ᐃᓄᓕᕆᓂᕐᒥᑦ, ᐱᕙᓪᓕᐊᓂᕐᒥᑦ ᐅᕝᕙᓘᓐᓃᑦ ᓄᓇᒥ ᓇᔪᒐᖏᓐᓂᓪᓗ ᐆᓚᔪᖅᑕᓕᖕᓂᒃ ᓱᕐᕋᒃᑕᐅᑦᑕᐃᓕᒪᖃᑦᑕᕐᓗᑎᑦ, ᑕᑯᓐᓇᖅᑕᐅᓂᖅᓴᐅᓗᑎᒃ ᐊᒃᑐᖅᑕᐅᒐᔪᓐᓂᖅᓴᐃᑦ ᓄᓇᓕᖕᓂ ᐊᕕᒃᑐᖅᓯᒪᔪᓂᓪᓘᓐᓃᑦ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐅᕝᕙᓘᓐᓃᑦ ᐃᑲᔫᑎᖃᕈᓐᓇᑦᑎᐊᕐᓗᑎᑦ ᓯᓚᕐᔪᐊᒥ ᐆᓚᒧᓄᑦ ᐊᔾᔨᒌᙱᑦᑐᓄᑦ.
  • ᐊᑐᓕᖅᑎᑦᑎᓗᑎᑦᒃᓴᖅᑭᑦᑎᑲᓐᓂᕐᓗᒋᑦ, ᐊᔾᔨᒌᔾᔫᒥᓗᑎᒃ, ᐆᒃᑐᕈᓐᓇᑦᑎᐊᕐᓗᒋᓪᓗ, ᐊᔪᒋᒍᓐᓇᕐᓗᒋᑦ ᐊᒻᒪᓗ ᐊᑑᑎᖃᑦᑎᐊᖅᖢᑎᒍᑦ ᐱᓇᓱᐊᕐᓗᑎᑦ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐅᔾᔨᖅᓱᖅᑎᐊᕐᓂᖏᓐᓂ ᒪᓕᑦᑎᐊᕐᓗᒋᓪᓗ ᓯᓚᕐᔪᐊᒥ ᒪᓕᒐᐃᑦ. ᑕᐃᒪᐃᑦᑐᑦ ᐃᓕᖅᑯᓯᐅᔪᑦ ᐱᒻᒪᕆᐊᓘᖕᒪᑕ ᐊᔾᔨᒌᔾᔫᒥᔪᓂᓪᓗ ᐅᓂᒃᑳᓕᐅᖃᑦᑕᕐᓗᑎᑦ ᑮᓇᐅᔭᓕᕆᔾᔪᓯᓂᓪᓗ, ᐸᐃᑉᐹᓂᓪᓗ ᑐᖅᑯᐃᑦᑎᐊᖃᑦᑕᕐᓗᑎᑦ ᐱᑕᖃᙱᓗᐊᕐᒪᑕ ᑕᒪᒃᑯᐊ, ᓯᕗᓪᓕᖅᐸᐅᔾᔭᐅᓗᑎᓪᓗ ᐊᒥᓱᕈᖅᑎᑕᐅᒃᑲᓐᓂᕋᓱᐊᕐᓂᖏᑦ ᐱᒋᐊᕈᑎᓪᓘᓐᓃᑦ, ᐊᒻᒪᓗ ᖃᐅᔨᓴᕐᓗᒋᑦ ᐊᑑᑎᖃᑦᑎᐊᕋᓗᐊᕐᒪᖔᑕ ᐃᓄᖕᓄᓪᓗ ᖃᓄᐃᔾᔪᑕᐅᙱᓪᓗᑎᑦ ᐱᐅᖅᓱᐊᖅᑕᐅᖃᑦᑕᕐᓗᑎᑦ ᐅᕝᕙᓘᓐᓃᑦ ᐊᐅᓚᑦᑎᑦᑎᑎᐊᕐᓂᕐᒥᑦ ᐱᒋᐊᕈᑎᖃᕐᓗᑎᑦ.
  • ᑐᑭᒧᐊᖅᑎᑦᑎᓗᑎᑦ ᐱᒋᐊᕈᑎᖃᕐᓗᑎᑦ ᓄᓇᓕᓐᓂ ᓯᓚᕐᔪᐊᒥᓪᓗ, ᐱᓗᐊᖅᑐᒥ ᑕᑯᓐᓇᕐᓗᑎᑦ ᑎᒍᓯᕙᓪᓕᐊᖃᑕᐅᓂᕐᒥᑦ ᑕᐃᒪᐃᓪᓗᐊᖅᑎᑕᐅᓂᖏᑦ ᐃᓚᓕᐅᔾᔭᐅᓗᑎᒡᓗ ᒪᑯᓂᖓ ᐆᒪᔪᓂᒃ ᐊᔾᔨᒌᙱᑦᑐᓂᑦ ᐸᖅᑭᔭᐅᒋᐊᖃᕐᓂᖏᓐᓂ, ᐱᐅᖅᓱᐊᖅᑕᐅᓗᑎᒃ ᐊᒥᓱᕈᖅᑎᑕᐅᒃᑲᓐᓂᕋᓱᐊᕐᓗᑎᓪᓗ ᑮᓇᐅᔭᖃᖅᑎᑕᐅᓗᑎᒃ, ᐃᑲᔪᕈᓐᓇᕐᓗᑎᑦ ᐊᑭᓕᖅᓱᖅᑕᐅᖏᒃᑲᓗᐊᕐᓗᑎᑦ ᓱᓇᒃᑯᑖᕐᓂᑦ ᐊᑐᕐᓗᑎᑦ ᐅᕝᕙᓘᓐᓃᑦ ᖃᐅᔨᒪᓂᕐᒥᓂᒃ ᐅᓂᒃᑳᖃᕈᓐᓇᕐᓗᑎᑦ ᐊᖏᖃᑎᒌᒡᓗᑎᒡᓗ ᒪᓕᒐᒃᓴᓂᒃ, ᐱᔪᓐᓇᖅᓯᕙᓪᓕᐊᓇᓱᐊᕐᓂᒥᒡᓗ, ᐱᖃᑕᐅᑎᑦᑎᖃᑦᑕᕐᓗᑎᓪᓗ ᐃᓚᒋᔭᐅᔪᒪᔪᓂᒃ ᓄᓇᓕᖕᓂ ᑭᒃᑯᑐᐃᓐᓇᕐᓂᓪᓗ ᐊᒻᒪᓗ ᓇᖕᒥᓂᖃᐅᖅᑐᓂᒃ ᐱᓕᕆᖃᑎᖃᕐᓗᑎᑦ ᑕᐃᒫᒃ ᐊᑭᑭᓐᓂᖅᓴᐅᓕᕈᓐᓇᕐᒪᑕ ᑲᑐᔾᔨᓗᑎᒃ ᐸᖅᑭᑦᑎᓇᓱᐊᕐᓂᖏᓐᓂ, ᐱᐅᖅᓱᐊᕋᓱᓐᓂᖏᓐᓂ ᐊᒥᓱᕈᖅᑎᑦᑎᑲᓐᓂᕋᓱᐊᕐᓂᖏᓐᓂᓪᓗ.
  • ᑎᒍᓯᒍᓐᓇᕐᓗᑎᑦ ᐊᔾᔨᐅᖏᑦᑐᓂᒃ ᐱᓇᓱᐊᕐᓗᑎᑦ ᐱᓕᕆᖃᑎᖃᕐᓗᑎᑦ ᐆᒪᔪᓂᒃ ᐊᔾᔨᒌᙱᑦᑐᓂᒃ ᖃᐅᔨᒪᓂᖏᓐᓂ ᐊᓯᖏᓐᓂᓪᓗ ᖃᐅᔨᒪᔭᐅᔪᓂᒃ; ᐊᒻᒪᓗ ᐸᕐᓇᐅᑎᓕᐅᕐᓗᑎᑦ ᓄᓇᒦᙶᖅᖢᓂᒃ, ᓄᓇᖃᖅᑳᖅᑐᕕᓂᕐᓂᓪᓗ ᑲᒪᒋᔭᐅᔪᓂᒃ ᓄᓇᓕᖕᓂᑦ ᐋᖅᑭᐅᒪᔾᔪᑕᐅᕙᒃᑐᓂᒃ; ᐊᔪᕆᓪᓗᑎᒡᓗ ᐆᒃᑐᕈᓐᓇᖅᑕᖏᓐᓂ ᓄᓇᓕᖕᓂ ᓄᓇᓕᕐᔪᐊᓂᓪᓗ ᖃᐅᔨᓴᓂᕐᒧᑦ ᐱᓗᐊᖅᑐᒥᑦ ᐊᔪᖅᓴᖅᑐᓂᒃ ᑮᓇᐅᔾᔭᒃᓴᓂᑭᑦᑐᓂᓪᓗ ᓄᓇᓕᕐᔪᐊᓂᑦ; ᐊᒻᒪᓗ ᐱᕈᖅᐸᓪᓕᐊᔪᓂᒃ ᓄᓇᓕᕐᔪᐊᓂᑦ ᐆᒃᑐᖅᑕᐅᔪᓐᓇᖅᑐᒃ, ᕿᓚᒥᐅᔪᒃᑯᓪᓗ ᖃᐅᔨᓴᕈᓐᓇᕐᓗᑎᑦ ᐆᒪᔪᓂᒃ ᐊᔾᔨᒌᙱᑦᑐᓂᒃ ᕿᒥᕐᕈᑦᑎᐊᕐᓗᑎᓪᓗ, ᐆᒪᔪᓂᒃ ᐊᒥᓱᕈᖅᑎᑦᑎᑲᓐᓂᕋᓱᐊᕐᓂᕐᒥᑦ ᐊᒻᒪᓗ ᐃᓕᖅᑯᓯᕆᔭᖏᓐᓂᓪᓗ ᐅᑎᖅᑎᑦᑎᑲᓐᓂᕋᓱᐊᕐᓗᑎᑦ.
  • ᐱᓕᕆᖃᑎᖃᕐᓗᑎᑦ ᑭᒃᑯᑐᐃᓐᓇᕐᓂᑦ ᐱᓕᕆᖃᑎᖃᕐᓗᑎᑦ ᐃᓄᑐᐃᓐᓇᕐᓂᑦ ᓯᓚᕐᔪᐊᒥᓗ ᐱᕙᓪᓕᐊᓗᑎᒃ ᓴᖅᑮᖃᑦᑕᕐᓗᑎᒡᓗ ᐃᓚᓕᐅᔾᔨᓂᕐᒥᑦ ᐸᕐᓇᐅᑎᖃᕐᓗᑎᑦ ᐅᔾᔨᕈᓱᖅᐹᓪᓕᑎᑦᑎᓗᑎᓪᓗ ᑭᒃᑯᑐᐃᓐᓇᕐᓂᑦ ᑐᑭᓯᐅᒪᑎᒃᑲᓐᓂᕋᓱᐊᕐᓗᒋᓪᓗ ᓄᓇᐃᑦ ᐱᒻᒪᕆᐅᓂᖏᓐᓂ ᐊᒻᒪᓗ ᓯᓚᕐᔪᐊᒥ ᐆᒪᔪᓂᒃ ᐊᔾᔨᒌᙱᑦᑐᓂᒃ ᐅᓗᕆᐊᓇᖅᑐᒦᓕᖅᑐᓂᒃ, ᐱᓗᐊᖅᑐᒥᑦ ᑕᒪᒃᑯᓄᖓ ᓱᕈᓯᕐᓄᑦ ᐃᓅᓱᒃᑐᓄᓪᓗ ᑐᓴᐅᒪᖃᑎᑦᑎᓗᑎᑦ.